Ljóð um holur

Skrifaðu ljóð um hvers konar vegaskemmdir, viðhald eða framkvæmdir og þú gætir unnið gjafabréf á veitingastað að eigin vali. Gefum eitt gjafabréf í hverri viku.

Maður við ritvél úti í náttúrunni
Sendu inn þitt ljóð

Ljóð vikunnar

¡Hola!

„Hola!" öskrar leiðsögukonan fremst í rútunni. ¡Hola! kallar spænski ferðahópurinn, kampakátur. Rúta út í mýri, hópurinn sleikir sárin. "Agujero", segir spænski bílstjórinn niðurlútur. „Hola", segir leiðsögukonan.

Höf. Stefán Halldórsson

Langi holuormurinn

Ég er skurðurinn sem vil gleypa þig. Í rigningu er ég dauðinn sem grípur allt. Keyrðu kanntinn og farðu á svig. Við Orminn sem geymir regnið kallt!

Vilmundur Möller Sigurðsson

Draumur

Umlykur, svarthol hugans. Endar þetta,er þetta? Engin týra,er ég, ég? ljós, uppi, niðri. gyllt ljós, Er, er Sólin, nei. svíf, þyngdarleysi. í ljós, birtu. Opna augun, sveittur, þungur Martröð, um hana, hina, allar Martröð um ohlur. Ohlur þjóðveganna.

Siggi Kalli

Stóra Holan

Holan þessi hít Sem gleypir allt Engin miskunn Sogar til sín fyrstu árin Hjalandi brosin Björtu skólaárin Öll skólaárin Ástina Stundum bara bita Stundum alla Sogar allt til sín Áhugamálin Stritið Börnin Framann Gleðina og sorgina Gleyp

Helga Z Gústafsdóttir

Holuhreiður

Holurnar fóru ekki í frí, fuglarnir sungu bí bí bí. Ungarnir stækkuðu holunum í, þá fór nú aldeilis að versna í því. -sag

Sigurbjörg Alda Guðmundsdóttir

Bráðaviðgerð

Hola varð á vegiokkar ein hún varð til þess að við urðum sein Í Colas náðum og hvöttum með dáðum svo seinkunin varð ekki nein Eftir viðgerð var gatan greið tvöfaldur vegur og leiðin breið Þá önnur kom hola við fórum að vola en bíllinn þó áfram skreið

Sverrir

Holufylling

Úti er ljúf og leikandi gola, líður um gengin spor Þarna er lagleg og lymskuleg hola, lagaðu hana senjor Á bílnum ég stunda nú stór(kostlegt)svig, streitist á móti - HEI, HOLA! Ef fyllt hún er, þakka ég fyrir hann mig, og fæ mér vatn til að skola.

Hallur Guðmundsson - kaupfjelagsstjóri

fylgjast með

Fjölskyldan í ísbíltúr fer, græðgin og gleðin í hámarki er. Hola framundan djúp og ber, reiðin beinist að ökumanni hér, enda ís út um allan líkama er.

Hrefna Pals

ís búmm

í ísbíltúr fjölskylda fór, gleðin var mikil og græðgin stór svo kom hola Búmm. ,.. djúp og breið og ísin varð að andlitsmeið

Hrefna P

Pollurinn

Allan hringinn alla daga. Hér er hola Um gat Frá dæld Til sprungu Þessa gryfju verður erfitt að laga.

Sara Stefánsdóttir

Bjargvætturinn á veginum

Lítil hola á veginum, samt stór eins og ljón,á limum, felgum og reiðskjótum verður tjón.Colas kemur, ljónið fælirferðin endar þá vel og allir sælir.

Harpa Magnúsdóttir

¡Hola!

„Hola!" öskrar leiðsögukonan fremst í rútunni. ¡Hola! kallar spænski ferðahópurinn, kampakátur. Rúta út í mýri, hópurinn sleikir sárin. "Agujero", segir spænski bílstjórinn niðurlútur. „Hola", segir leiðsögukonan.

Stefán Halldórsson

Hvert sem farið er

Af innri gleði arkað‘ af stað um andlitið ljúft lék gola Í andartaks ógáti hnaut en um hvað? Um öxl leit þar blasti við hola Í bíltúr ég brunaði annan dag beint út á þjóðveginn víða Við hristing og holur nánast fékk slag Hve lengi má viðgerða bíða?

Heiða Dögg Jónsdóttir

Þakkir frá Vegagerðinni

Holur hamra hjólin mín, hnykkja demparana. Vegagerðin brosir breitt, þú borgar reikningana.

Geir Ágústsson

Sagan endalausa

Þeir segjast vera holur að laga, því þær bíla og ökumenn plaga, En holugrey, Breytast ei. og endalaus verður sú saga.

Hjalti

Hoss, hoss á vegi

Hoss, hoss á vegi Hoss, hoss á vegi Hoss, hoss á holóttum og illa hirtum vegi Nei, nú er komið nóg ég segi stopp! Hristingurinn angrar huga minn og kropp!

Hossíann

Ekkert

Datt ég ofan í holu og gettu hvað ég sá. EKKERT !

Sigríður Sigurðardóttir

60-61

Í Dölunum holur munt finna. Þær eru útum allt meir'eða minna. Lagast þó aðeins er nálgast þú Djúp. Þó ein og ein hola leynist þar gljúp.

Áróra

Áfram veginn

Leið mín í fríið lá hér um veg sem liðaðist rétt eins og slanga. Hamskiptin töldum við all hættuleg og holur á slóðanum langa. Heimferðin seinna var sannlega góð. Silkimjúk áferð á vegi. Ekki á dugmiklum strákunum stóð; stífluðu holur á degi!

GIS

Vegatálminn

Ók ég sæll um fagra tröð Ljúf var sumargola. Allt í einu ég kvaldist í röð vegatálmi var hola.

SJ

Hjálpartæki.

Konan kær bað um kæti-tæki Karlinn hugsaði og bauð sæti. Keyrði kæru um vegi hola Kæra, nú þarf tæki ekki að skola Kæra rjóð og sæt og sýndi kæti, Kæri minn, en þvo ætti þú þetta sæti.

Litli Gleypir

vegurin heim

Vegurin heim er harla slæmur holóttur og hið versta skass er ég frekar næmur og illt í minum rass.

Höf. óþekktur

!Hola

Þegar það er !Hola Þá getur verið bras En inn kemur Colas og lagar það stansistas

Alfa Eymars

Obbosí

Obbo - sí obbo -sí við holu stendur enn á ný á höndum haus eða tá jafnvel blóm þar setja má

Sigrún

Vegurinn

Hann styttist í annan endann vegurinn. Að baki eru holur, stórar og smáar sumar nánast gil eða gígar. Inn á milli eru yndislegir sléttir blettir. Og nú ertu komin á beina veginn, rólegheit og barnabörn. Verst hvað það er stutt eftir.

Gulla

Dökka holan

Stundum dett ég niður í holu, sé þá bara myrkrið svart, malbikið mig allt um lykur, smásteinar, olía út um allt. Svo kemur sólin bjarta hreina, ´ því er ég að kvarta og kveina, klifra upp því vonin eina er mætt á staðinn, hætti að veina.

Jónína Björg Magnúsdóttir

Ekki alslæmt.

Út á veginn er ég ek Eins og gömul rola. Vakna ég og við mér tek Þá við mér blasir hola.

Giljagaur.

Byrtist hola.

Stöðugt regn á hverjum degi Svo manni liggur við að vola ek ég eftir förnum vegi Allt í einu byrtist hola

Jón Ingvar Haraldsson

Hola, hola

Hola, hola herm þú mér hvar á landi ertu hér?

Stony

Holuáhrifin

sem þú stígur á gamalt seríós á eldhúsdúknum lokast fíflarnir í Laugarskarði, rauður Peugeot fer út af veginum í Selárdal vegna holu andvari lyftir snjáðu stórrisi í Kænugarði lóuungi blakar vængjunum úti í móa

Móheiður Hlíf Geirlaugsdóttir

Hjól um jól

Hjóla ég upp hólin Um mið jólin. Hola var þar En ég sá samt ekki hvar. Dekkið í holuna datt og fór í spað Öll drullug er ég nú svo ég þarf að fara í bað.

Lilja Snædís

Holufullnæging

Holu í malbiki met ég mikið í hana set ég svo þarf að þétta þjappa og slétta þetta er það sem að get ég.

Sérríður Indriðadóttir

Holan mín

Holan mín og holan þín. Þú veist hvað ég meina, Handleika hendur mínar, þar til verður kleina.

Helen Gray

Legg öng

Mín er leiðin löng og ströng langar veg að slétta lendi oft með legg í öng lagar malbik þetta.

Herbert Friðrik Stefánsson

Erótíkin geltir

Eins og vegur ertu ber ekki næ mig stilla áttu holu handa mér? hana vil ég fylla.

Herbert Friðrik Stefánsson

Holuvísa

Rorra rorra ruggar Snáða litla huggar Veltist eftir vegi Bíll á holuríkum degi Rorra rorra vaggar Tátu litlu þaggar Best í bíl að sofa Á ferð yfir hundruðir hola

Ólg

ALLAR HOLURNAR

við keyrðum eftir veginum hoss - hoss - hoss þá hrópar hann upp yfir sig ertu að reyna að hitta í allar holurnar ! já svaraði ég

Ólg

Eftirköst

Ég sest niður, þarf að kvarta á deginum fallega bjarta. holur ei kættu líf var í hættu laus nýrun og bíllinn í parta.

Svanhvít Vatnsdal

En í Noregi?

Ekkert getur stöðvað hann Á HM er iðinn við kolann En þegar íslenskan fjallveg fann Erling Braut holan.

AHR

Sveitaferð

Í sveitinni sé ég ýmis dýr, hesta, kindur, kýr og bola. Ég negli niður og stýri sný, því mér mætir risa hola. Vegurinn eins og ostur, hjólkoppar bíls út í móa. Það er ei boðlegur kostur, að dauðrota lóur og spóa.

Svanhvit Vatnsdal

Datt í það

Holu datt ég ofan í, ekki var það gaman, - framvegis skal fyllerí forðast, allir saman!

Vaknajökull

Vardekkskviða

Holur djùpar drepa dekk herfileg er leiðin er ég alveg laus við skrekk skrambinn kemur heiðin!

Jói á móti

Dansinn

Holur hér og holur þar, hrissta rass og maga. þó er ég ekki í magadans, bara úti að keyra.

Hrefna p

Sundlaug

Hola þessi er svo djúp Nú fyllist hún af vatni Skelli mér í speedo-inn Og synd í henni af kappi

María Þórs

Daglegt líf

Malbikunarvélar á miðjum vegi magnaðir menn að störfum Fylla upp í holur, svo ég megi aka um götur, eftir þörfum.

k.ing

loftlaus

ofaní holu dekkið fór, loftið lak úr. Hola, hvað geri ég nú ?

Hrefna P

Þjóðvegarhyllingar

Colas, malbiksstöðin stóra, stýrir best vegaholufyllingum. Þorri landsins ökuþóra sér þjóðveginn sléttan í hyllingum

Kristján

Fjölskyldan stækkar

Gleðifréttir! Allt gekk vel Við eignuðumst lítinn mola Á gatnamótum við Grenimel fæddist í morgun hola

AHR

klemma og spenna

Keyri í djúpa holu, maginn upp og niður fer, álag á þvagblöðru eykst .... spenna og stress kemst ég þurr heim? ó nei , það eru spennandi holur framundan .. Ég ek áfram mína leið með grindarbotnsvöðva í klemmu.

Hrefna P

Fire in the hole

Bílar verða sér að voða Því þarna er stór hola Verktakar verða að skoða Því úr litlum peningum er að moða

Heimo

Holur

Ek ég um vegi alla daga alveg hreint á nálunum. Ef holurnar þig og bílinn baga þá bjargar Colas málunum.

Pétur Stefánsson

Akstur um holótta vegi

Skyldir þú fara út að aka eitthvað með þín góðu börn, þá er með sér þörf að taka þægilega hristivörn.

Pétur Stefánsson

Ökuferð

Á bílnum á dýrðlegum degi ég duglegur aka má, hossast á holóttum vegi og hendist þar til og frá.

Pétur Stefánsson

18 holur

Ef okkur bráðum æra 18 holur max, sendum Colas kæra og káta póstinn strax

Guðrún

Holulaust líf

Ég var eins og vestfirskur fjallvegur svo komst þú. Tilveran, eins og þýsk hraðbraut laus við allar holur og hnjask.

Miriam Petra

Eitrað ástarsamband

Hjartað mitt holótt eins og blæðandi malbik á íslenskum sumardegi

M. Petra

holur

gatan þar sem ég sleit barnsskónum er ekkert nema holur rétt einsog ég er holur (ó vei!) að innan

Höf. óþekktur

Bikað til bata með Colas

Götótt er mín gata, götóttir eru vegir. Colas bikar til bata, búkkar sig og hneigir.

Kristján

Holan er fundin!

Brestur á með bras og þras í biki þungt er pundið núna hefur Nicolas nýja holu fundið.

Salmann Reykfjörð

Draumadoppan Hola!

Það er draumur að keyra á doppóttu að nóttu, já nóttu Hér eru allavega átjánhundruð doppur Hola! og þarna flaug einn hjólkoppur Drífðu þig með og draumsins njóttu að nóttu, já nóttu

SB

Ljón í vegi

Hola, hola á hvern mann Hola sem Nicolas fann En á júní degi urðu ljón í vegi sem komu alla leið frá Cannes

Leifi

Sein í vinnuna

H A O L H A O O A L Kollhnís

Höf. óþekktur

Hola

Ég steig varlega.HolaÉg leit niður.HolaÉg féll.¡Hola! sagði holan.Kurteisi kostar ekkert.Ég þekki margar holur.Þær heilsa alltaf:¡Hola!Rétt áður en ég dett.Kurteisi,getur verið fallhætta.

Evita

holu fylling.

Sem ökumaður þarf ég margt að þola Því út um allt er hola-hola-hola Gefðu mér grið svo fái ég frið Ég mun ekki kvarta, því ég lofa

Sigríður Sigurðardóttir

Biðin vegna biks, Hluti IV

Er rökkva tekur og róin legst yfir, Rennisléttur vegur bíður vegfarenda. Rennandi sveittir, ganga frá í friði, Fljótlega tekur vinnudagur þeirra enda.

Snævar Örn

Biðin vegna biks, Hluti III

Nú eru holurnar loks fylltar, En hetjur þess verks eru eigi hylltar. Fá kveinstafi og bílflaut vegna umferðatafa, Eru fimm mínútur í alvöru svona langar?

Snævar Örn

Biðin vegna biks, Hluti II

Gufustrókar rísa, heitt bikið rennur, Rólega keyra stálfákar um keiluskóg. Blikkljósin lýsa og málaðar línur, Leiða dáleiðandi málmgert stóð.

Snævar Örn

Biðin vegna biks, Hluti I

Hvítir hnúarnir kreista stýrið, Högl á rúðunni skella. Rauð ljósin framundan rýni, Röðin löng hugan er að hrella.

Snævar Örn

Brothola

Vegirnir þungan ei þola þess vegna brotnar í mola malbik sem skúrirnar skola úr skál sem er kölluð hola

Baldur Grétarsson

Bolhola

Ég ætla að bola, þér, hola. Og fylla, af, ást.

Hanna

Holan og Colas

Holan sat í veginum víð, og stækkaði hægt með hverri tíð. Þá kom Colas með malbik svart, og lagaði gatið fljótt og smart. Bílarnir runnu svo mjúklega hjá, og enginn fann fyrir hristingnum þá.

Höf. óþekktur

Högg í holu

Mig fýsti í holu í höggi en hirti ei nóg um það sem slíkt, því að ólukkans bévítans böggi mig bar, svo að engu var líkt. Því það setti að mér dulitla golu — og voru gerð að mér höggin í holu.

Hermann Stefánsson

Hola, hola, hola.

Man eftir hola,hola,hola. Pabbi að keyra blöðru Skoda í Hola, hola, hola. Gat á bensín tankinn. Allir tyggja tyggjó. Hola, hola, hola. Brjóta öxulinn Í stóra hola, hola, hola Sumarfríi búið útaf hola

Margrét Annie

Holumaðurinn

Holumaður á ferð um landið. Erlendur á brún og brá. Auðvelt er að binda bandið, milli hans og okkar þrá. Að hlúa vel að landi og holum og burtu rusli og drasli skolum.

Lína

Þráláta holan

Alltaf sama holan á sama stað, sama hvað. Stundum er reynt að laga, það dugar í örfáa daga, þvílík sorgarsaga. Geðheilsan komin í mola, erfitt er þig að þola fjandans þráláta hola.

Höf. óþekktur

Allar þessar holur

Hola Stór hola Lítil hola Holur Margar stórar holur Margar litlar holur Vantar bara eina Eina til að vegurinn sé Fullur af holum Spurning: Bilaði hefillinn? Þoldi hann ekki holurnar?

Lóa

Lítil hola

Lítil hola í löngum vegi, leynir vatni, speglar ský. Bíllinn skelfur, varla segi, breytist holan dag hvern ný.

Heiða

Holan

Holan í veginum, bíður mín á hverjum degi. Ég beygi og reyni að sleppa, en hún finnur mig alltaf.

Elsa

Þeysireiðin

Yndisfríða rola, Þeysist um á fola, hversu mikið þarf að þola, hverfur ofan í hola.

Ásgeir Magnússon

Holukvæði

Holan í kvæðinu kvæðið gleypti Kvæðið í holunni holunni hleypti af stað fyrir allar aldir. Til þess að vera með þegar það gerist Vera með þegar með póstinum berist boð um að menn séu kaldir

Alma

Ferðin og holan

Ferðin er eins og holan, og holan er djúp og víð eins og skott þíns bíls. Og gatan speglast götótt og slitin í holupollinum djúpa. Óræk dekkjaför þín á gráhvítum veginum hverfa holurnar í.

Þorsteinn Valdimarsson

Ég ætla hringinn í sumar

í morgunljóma legg af stað langar í pulsu og skógarbað kannski hvítvín og humar horfi á jökul, fjall og foss finn svo rigningar votan koss Ég ek um Ísland í sumar.

Sérrríður Indriðadóttir

Vegljós

djúp hola full af regnvatni hvassar brúnir ramma inn spegilmynd sólarinnar ég píri augun hægi ferðina sneiði fimlega fram hjá meistaraverkinu það boðar jú sjö ára ógæfu að brjóta spegil

Guðfinna Rúnarsdóttir

Punglyndi tilverunnar

Holuleið er herfileg hugur leiða þrunginn. Eftir ferð um vondan veg verkjar mig í punginn.

Reimar Hnausdal

Blessað bikið

Unir fólkið sátt við sitt síst vill gleði spilla þegar blessað bikið mitt búið er holu að fylla.

Sigurlaug Helgadóttir

Holan!

Angan sumars hérna finn, himnesk blæs um golan. Hristist allt um bílinn minn, önnur kom þar holan.

Sveinn Hjörtur

Titra

Titringur, undir niðri en ekki undir yfirborðinu heldur yfir undirborðinu. Nú er ég orðin ruglaður. Það hristist í mér heilinn, það titrar allt og nötrar.

R.T.F

Hola eða ekki Hola

Hola eða ekki Hola, það er spurning ein, ekki séð langt frá en þegar nær fer kemur allt í ljós, allar sprungur og streyta, Úr fjarska eru allar holurnar faldar, svo Farðu um vegin með opið hjarta

Ingimundur Arnar Ólafsson

Lítil holusaga

Kannski eru holur í götunum, bara litlar sögur á leið. En allir verða glaðir þann daginn, Er þær hverfa og gatan verður greið.

Höf. óþekktur

Afhverju villtu ekki laga mig?

Bílarnir kvarta: „Æ, hvað þetta skellur!“ Dekkin segja: „Viltu ekki laga mig?“ En holan á meðan bíður eftir, að einhver vilji lagfæra sig.

Höf. óþekktur

Holir að innan

Ég hef verið að reina Beita mig Leit að holu Það er engin veiði Krókarnir skjótast Ekki einn bítur á Er lögnin slæm Eða er ég holur?

Halli

Hjóla hola

Hola hola hola hola hola hola holahola holahjóla holahola hola hola

Höf. óþekktur

Tækifæris limra um holur

Hann ætlar um holur að semja. Hvernig þær kannski eigi að hemja. Á vegunum víða. Alls ekki prýða. Svo hvernig má ástandið temja?

Anna Sigríður Hjaltadóttir

Holu óður.

Svo lang sem augað eygir mín kæra bifreið beygir holu framhjá hola já hola þá holu sá holu fá holu á vegagerðsins holu holur.

Bogart

Draugaholan

Vegagerðin kemur með mölina sína lagar holuna og gerir fína En holan hvíslar: „Við sjáumst á ný næsta vor, rétt fyrir sumararfrí.

Lugure

Holrými mennskunnar

Hola í tönn og hola í fönn Manneskjan þarf margt að þola En stöldrum nú við það þolir ei bið Burt skal nú báðum þeim bola

Höf. óþekktur

Þar sem allt þagnar

Elsku nótt, ég bið um þig Breiddu sæng þína yfir holuna í veginum yfir tjaldinn og týndu eggin, yfir það sem var, þögnina og dauðann sjálfan, þar sem ekkert svarar lengur og allt hefur loksins þagnað

Höf. óþekktur

Tjaldur í holu

Tjaldur í holu, saklaus hann er, lífið sem gleymdi að spyrja hvort vegurinn tæki mig að. Eggin hvít í myrku malbiki, viðkvæm eins og andardráttur lífsins. brotna við barðann harða.

Höf. óþekktur

Gata

Holur myndast götum í Er þetta gata eða gat? Hver getur svara því? Sá sem í holu sat

Svanzky

Eina ósk...

Rassinn fram úr rúmi dreg Reyni að laga kvilla okkar bæta ætti veg allar holur fylla Bráðum þarf á rennireið Í Reykjavík að sinni. Óskin er að alla leið Engar holur finni.

Sérríður Indriðadóttir

Í djúpum

Holur frekar heilla mig, í hinsta dýpi að spá. Ef dýptin áfram eykst um stig ... hvar endar bíllinn þá?

Philip Vogler Egilsstöðum

Á Snæfellsnesvegi (54)

Örmjó slóðin ekin var ójöfnur stilltu hraðann Bætur hér og bætur þar bæta mesta skaðann

Höf: Bjarni Jónsson

Hola

Hola hér og hola þar Hættu nú að væla Hossandi um göturnar Það er algjör sæla.

Sigríður Sigurðardóttir

Hola

Hola hér og hola þar Hættu nú að væla Hossandi um göturnar að er algjör sæla

Sigríður Sigurðardóttir

Hola

Hola hér og hola þar Hættu nú að væla Hossandi um göturnar Það er algjör sæla.

Sigríður Sigurðardóttir

Vegurinn, sannleikurinn og lífið

Skyndilausnir skolast burt Gleðin varir skemur Þiðinn ís og svo allt þurrt Hola aftur kemur Leggja verður nýjan veg Vel, á traustum grunni Kosta mun það held nú ég Allt það sem ég unni

Tómas H

Rasseymsli vegbúans

Laupa mína legg nú upp langar helst að hvíla ákaflega auman hupp ekki holur fíla Jeg er marinn hist og her erfitt er að sitja Hjeraðslæknis eins og er Ætti jeg að vitja

Aron Elífs

Hvíld

Ef vegir gætu talað: Hvers vegna traðkið þið á mér Keyrið mig yfir, málið hvítu striki Ég gefst upp en þið gerið bara við mig Leyfið mér að hvíla í friði

Brynjar frá Víghól

Stefnuleysi

Sprunginn og holóttur vegurinn Sem engin ætlar að laga Fæturnir þyngjast hvor um sig Samt drattast ég áfram án svara

Höf. óþekktur

Hola

Hola hér og hola þar Holur eru allsstaðar Hola, hola, hola Er ég fer út að keyra, ég þarf þær að þola.

Ingheiður Laxdal

Kvæði

Vetrarhörkur, vatn og ís, veginn okkar skera. Þungt er höggið, þrautin vís, þungbært er að bera.

Höf. óþekktur

hola sem er

hola er, gat á vegi.

þögn

drasl drasl

þessar holureru allsstaðarog ég hata þær!Langar að skera þær úr malbikinu

einar

Æðruleysi

Regnvott slitlagið syngur í sólinni, sjarminn af glitrinu heillar mig skyldi koma beygja næst, eða er gatan bein og greið? – í vegkanti blaktir baldursbrá blístrandi starri á steini

Höf. óþekktur

Kveðið í holu

¡Hola! skáldið heilsar, hendur merki senda ökuþórum, ekki aka svo að skakist biksins fráu blakkar. Boða ek þeim voða: gat er stórt í götu, gera við það verður.

Nicolas götulistamaður

atómljóð iii

Hver einasta ¡hola! í veginumer spegilmyndaf stjörnum næturhiminsins horfast í augu,stjörnur vetrarbrautarinnar,og akbrautarinnar ¡hola! ¡hola!

Nicolas götulistamaður

atómljóð ii

það er engin ¡hola! sem ég hugsa jafn mikið um og holan fyrir utan innkeyrsluna hjá blokkinni þinni. Ég keyri ofan í hanaáður en við kyssumst.

Nicolas götulistamaður

atómljóð i

¡hola! í veginumá leiðinniheim til þín safnar tárum næturinnar. kemst ekki í kvöld. loksins verið að malbika.

Nicolas götulistamaður

Vegir góðir

Vegir góðir, hvergi hart¡hola! mætir dekkjum.Tregir sjóðir verða vart,viðhalds nauðsyn þekkjum.

Nicolas